Ընդդիմադիր Սիրիական ազատ բանակը շարունակում է վերահսկողություն հաստատել Սիրիայի հյուսիսում՝ Թուրքիայի հետ սահմանին գտնվող Ջերաբլուսի և Չոբանբեյի շրջաններում ԴԱԻՇ ահաբեկչական խմբավորումից ազատագրելով հինգ գյուղ: Այս մասին հայտնում է Anadolu գործակալությունը:
Սիրիական ընդդիմության աղբյուրի տվյալներով՝ ԴԱԻՇ-ի զինյալները դուրս են մղվել Ջերաբլուսից հարավ-արևմուտք ընկած Էլվանիե, Քամիր և Ներքին Կարաքույու գյուղերից: Բացի այդ, ընդդիմադիր ուժերը ազատագրել են Չոբանբեյ շրջանի Մեմիլի և Հաջաջ գյուղերը: Ահաբեկիչներից ազատագրված տարածքներում անցկացվում են ականազերծման աշխատանքներ:
Ջերաբլուսի բնակիչները, ովքեր ակտիվ ռազմական գործողություններից հետո լքել էին քաղաքը, սկսել են վերադառնալ իրենց տները: