Թուրքիայի հրետանին և ռազմաօդային ուժերը հարվածներ են հասցրել սահմանամերձ Ջարաբլուս քաղաքից 8 կմ հարավ գտնվող Թել-Ամարնա բնակավայրի ուղղությամբ: Այս մասին հայտնում է Firat գործակալությունը:
Գործակալության տվյալներով՝ նշված բնակավայրը պաշտպանում են «Ջարաբլուսի ռազմական խորհուրդ» զինված խմբավորման մարտիկները, որոնք «Սիրիայի դեմոկրատական ուժեր» ընդդիմադիր կոալիցիայի դաշնակիցներն են:
Ինչպես հայտնում է Firat-ը, վկայակոչելով խմբավորման հրամանատարին, առավոտից շարունակվող գնդակոծությունների հետևանքով խաղաղ բնակչության շրջանում կան զոհեր, որոնց թիվը հստակեցվում է: