Ավարտվեց ՀՀԿ Գործադիր մարմնի նիստը: ԱԺ փոխնախագահ, ՀՀԿ մամուլի խոսնակ Էդուարդ Շարմազանովը նիստի ավարտից հետո լրագրողների հետ զրույցում հայտարարեց, որ քննարկել են ներկուսակցական և այլ հարցեր «Նիստի ընթացքում նախագահը ներկայացրել է իր արտասահմանյան այցերի արդյունքները, գիտեք, որ նախագահն այցելել է Մոսկվա, հանդիպել Վլադիմիր Պուտինի հետ, ընդհանուր առմամբ նախագահների հանդիպումը համարում ենք հաջողված: Անդրադարձ կատարվեց նաև Սերժ Սարգսյանի այցին Բրազիլիա, որտեղ նա հանդիպումներ է ունեցել: Շարմազանովի խոսքով՝ նիստում անդրադարձ է եղել սեպտեմբերի 18-ին և հոկտեմբերի 2-ին սպասվող ՏԻՄ ընտրություններին»:
Շարմազանովի խոսքով՝ նիստում անդրադարձ է եղել նաև ԱԺ գալիք ԱԺ նստաշրջանի աշխատանքներին.«Գլխավոր դատախազ պետք է ընտրվի, ինչպես հիշում եք գլխավոր դատախազը հրաժարականի դիմում է ներկայացրել, կարող եմ ասել, որ կուսակցությունը պատրաստվում է քաղաքական աշնանը»:
Ինչ վերաբերում է Ընտրական օրենսգրքի փոփոխություններին Շարմազանովը չբացառեց, որ գալիք նստաշրջանում կրկին քննարկվի ԸՕ-ի փոփոխությունների հարցը, իսկ ընտրացուցակների հրապարակման և մատնահետքերի թանաքոտման խնդրի հետ կապված Շարմազանովը նկատեց.«Միգուցե ԸՕ-ում ևս մեկ անգամ լինեն փոփոխություններ, մենք դեռ կքնարկենք այդ խնդիրը»,-ընդգծեց նա:
Հարցին՝ Մինսկի խումբն ինչո՞ւ չի քայլեր ձեռնարկում այդ պայմանավորվախությունները կյանքի կոչելու համար, Շարմազանովը պատասխանեց.«Դիվանագիտությունն ունի երևացող և չերևացող շերտեր»:
«Սասնա ծռեր» խմբի գործողություններին և բարձրացրած խնդրին անդրադառնալով Է. Շարմազանովը նշեց.«Մենք ունենք շատ մեղքեր, բայց զենքով հարց լուծելու ճանապարհը անընդունելի է»:
Մանրամասները՝ տեսանյութում: