Վերաքննիչ քրեական դատարանը մերժեց «Ոտքի Հայաստան» քաղաքացիական նախաձեռնության անդամ Դավիթ Հովհաննիսյանի գործով բողոքը, նա կմնա կալանքի տակ:
«Սարի թաղում զանգվածային անկարգություն եղել է, բայց եղել է ոստիկանության կողմից»,- լրագրողների հետ զրույցում ասաց «Ժառանգություն» խմբակցության մամուլի խոսնակ Դավիթ Սանասարյանը: Նա նշեց, որ արդեն 1 տարի է, ինչ Դավիթ Հովհաննիսյանի հետ պայքարի մեջ է, և Դավիթ Հովհաննիսյանը բազմաթիվ անգամներ թույլ չի տվել, որ տեղի ունենա բախում քաղաքացիների և ոստիկանների միջև:
«Սարի թաղում Դավիթ Հովհաննիսյանը մոտացավ ինձ և մեղադրեց, թե ինչու է ժողովուրդը Սարի թաղում հայտնվել: Իհարկե՛, ես դրա պատասխանը ունեմ ու տվել եմ, բայց Դավիթ Հովհաննիսյանը դեմ էր Սարի թաղ գալուն: Իմ աչքով եմ տեսել՝ Դավիթ Հովհաննիսյանը չի մասնակցել որևէ անօրինական գործողության՝ քար նետել կամ նման բաներ: Դավիթ Հովհաննիսյանը եղել է իմ աչքի առաջ, նման բան չի եղել: Սա մնացած դատավարությունների շարունակությունն է, երբ պարզապես մարդկանց ապօրինի ձևով զրկում են ազատությունից»,- ասաց Դավիթ Սանասարյանը:
Մանրամասները՝ տեսանյութում: