Պետք է հանրապետության առաջին դեմքը կամ լիազորված այլ անձ հանդես գա և ասի, որ մենք մեկ-երկու ամսվա ընթացքում 4-5 քայլ ենք անելու: Դանդաղ տեմպով, չմոբիլիզացված վիճակով՝ կոչեր անելով կոռուպցիայի, մենաշնորհների, ստվերի դեմ պայքարելու մասին, մենք չենք կարող տեղ հասնել: Այս մասին «Առաջին լրատվական»- ի հետ զրույցում ասաց Աժ ԲՀԿ խմբակցության պատգամավոր ՄիքայելՄելքումյանը: Անդրադառնալով օգոստոսի 1-ին Ս. Սարգսյանի կողմից հնչեցրած Ազգային համաձայնության իշխանություն ստեղծելու վերաբերյալ խոստմանը և պատասխանելով հարցին, թե արդյոք նոր կառավարությունը կկարողանա հաղթահարել մեր տնտեսության առջև ծառացած մարտահրավերները, Մ. Մելքումյանը պատասխանեց, որ հիմա գերխնդիրը արդար ընտրություններ անցկացնելն է:
«Հայաստանում լավ Ընտրական օրենսգիրքը արդար ընտրություններ անցակացնելու երաշխիք չեն, մինչև ընտրության օրը մթնոլորտ պետք է փոխվի. վստահություն պետք սերմանել»,- նշեց Մ.Մելքումյանը:
«Նախագահական կառավարման այն ավանդույթի և օրենքի շրջանակները, որ մենք ունեցել ենք տարիներ շարունակ, երբ վարչապետը իրավունք չունի 50 տոկոսով վետո դնելու նախագահի քաղաքական որոշմանը, այս դեպքում մենաշնորհների և այլ արատների դեմ պայքարը չի իրականացվի,- նշեց Մ Մելքումյանը,- կառավարությունն օտարվում է ինքուրույն որոշում կայացնելու իրավունքից, և ստացվում է փոքր հրդեհ հանգցնողի կարգավիճակ»:
ԲՀԿ խմբակցության պատգամավորի դիտարկմամբ ՝ ժողովրդավարացման մոդել չկա, բայց ժողովուրդը չի կարող սպասել: Տարիներ շարունակ վարելով օտարված քաղաքականություն և ռեալ իրավունք չունենալով որոշումներ կայացնելու և իրականացնելու, առաջանում է հակասություն ակնկալիքների և արդյունքի միջև:
Տնտեսագետի կարծիքով՝ եթե Հայաստանը գրավիչ և երաշխավորված երկիր լինի ներդրումների առումով, ապա Հայաստանն ապագա կունենա:
Մանրամասները՝ տեսանյութում:
