ԵՄ-ի անդամ 27 երկրների՝ սեպտեմբերի 16-ին Բրատիսլավայում կայանալիք ոչ պաշտոնական գագաթնաժողովը կսկսի աշխատանքը Brexit-ին ուղղված «մանրակրկիտ պատասխանի» վրա: Այս մասին հայտարարել է Գերմանիայի կանցլեր Անգելա Մերկելը՝ Վարշավայում ելույթ ունենալով «Վիշեգրադյան խմբի» ղեկավարների հետ համատեղ անցկացված մամուլի ասուլիսում՝ փոխանցում է Phoenix հեռուստաալիքը։
«Ես համամիտ եմ, որ Բրատիսլավան հանձնարարությունգագաթնաժողով է, դա գագաթնաժողով չէ, որը որոշում է ընդունելու, դա աշխատանքի սկիզբն է… ԵՄ-ից Մեծ Բրիտանիայի դուրս գալը ոչ թե ինչ-որ իրադարձություն է, այլ խորը ճեղքվածք Եվրամիության ինտեգրացիոն պատմության մեջ: Ուստի կարևոր է գտնել այդ խորը ճեղքվածքի հանգամանալից պատասխանը»,-ասել է Մերկելը:
Կանցլերն ընդգծել է, որ Մեծ Բրիտանիայում կայացած հանրաքվեի արդյունքների գնահատումը, ինչի համար «մենք բոլորս ցավում ենք», կդառնա Բրատիսլավայի հանդիպման կենտրոնական թեման: