Կեղված արտեֆակտները, որոնք վաճառվում են ԴԱԻՇ ահաբեկչական խմբավորման գրոհայինների կողմից, հեղեղել են Սիրիայի և Լիբանանի հնությունների սև շուկան։ Առգրավված արտեֆակտների մոտ ¾-ը կեղծ են եղել՝ հայտնել է Սիրիայի հնությունների և թանգարանների հարցերով դեպարտամենտի գլխավոր տնօրեն Մաամուն Աբդուլքարիմը։
Art Newspaper-ը, հղում անելով Աբդուլքարիմին, գրում է, որ Սիրիայի և Լիբանանի սև շուկաներում կեղծ արժեքների տոկոսը 2013 թվականին մեծացնել է՝ 30-ից դառնալով մոտ 70 տոկոս։
Կեղծված արտեֆակտների շարքում կան Աստվածաշնչի և Ղուրանի ոչ իրական օրինակներ, 450 «միջնադարյան ոսկեդրամներ», խճանախշեր և արձանիկներ։ Աբդուլքարիմի խոսքով՝ որոշ կեղծ արտեֆակտներ իրականից տարբերելը դժվար է եղել։
Խոսելով Պալմիրայում վերականգնման աշխատանքների մասին՝ նա հայտնել է, որ արտեֆակտների մեծ մասը պահպանվել է։ «Պալմիրայի արվեստը չենք կորցրել,- ասել է նա։- Կարող եմ հաստատել, որ Պալմիրայի հավաքածուի ավելի քան 90 տոկոսն անվտանգության մեջ է, 10 տոկոսը՝ ավերված»,- ասել է նա։