«Ժիրայր Սէֆիլյանին ճանաչում եմ 2008 թվականից, շատ լավ անձնավորություն է, իսկ ինչ վերաբերում է «Նոր Հայաստան» հանրային փրկության ճակատին, ես Ժիրայրի կողքին եմ եղել թե՛ միտինգների, թե՛ երթերի ժամանակ, բայց չեմ մասնակցել քննարկումների, խորհրդակցությունների,- այս մասին «Առաջին լրատվական»- ի հետ զրույցում ասաց Գեղամ Սահակյանը:
Նրա կարծիքով՝ ՊՊԾ գնդի գրավման մասին եթե Ժիրայր Սէֆիլյանն իմանար, թույլ չէր տա : «Նրա մտերիմներն այս քայլով նրա մեղադրանքի վրա «ջուր լցրեցին», թե՛ ուժային կառույցները, թե՛ ժողովուրդը մտածում են, որ ինքն ուրեմն մտածել էր այսպիսի բան, որ իր ընկերները գնացին այս ճանապարհով, իսկ դա վնասում է իրեն: Սա անիմաստ քայլ էր: Նման ճանապահով արդյունքի չեն հասնում, նման ճանապարհով հեղափոխություն չեն անում և ընկերոջը բանտից չեն ազատում»,- ընդգծեց Գեղամ Սահակյանը:
Անդրադառնալով իր հասցեին հնչող «Նոր Հայաստան»-ի անդամների կարծիքներին, ըստ որոնց՝ ինքը ԿԳԲ-ի գործակալ է և սողոսկել է իրենց շարքերը, Գեղամ Սահակյանը նշեց. «Ինձ Ժիրոն է իրենց հետ ծանոթացրել. ուրեմն ստացվում է, որ Ժիրոն ԿԿԲ-ական է, ես էլ իր գործակալն ե՞մ»:
Մանրամասները՝ տեսանյութում: