Մասիսի քաղաքապետի ընտրություններին գործող քաղաքապետ ՀՀԿ-ական Սաշա Հակոբյանն իր թեկնածությունը չի առաջադրելու: «Առաջին լրատվական»- ի հետ զրույցում նա նշեց, որ կուսակցությունը որոշում է կայացրել սատարել Դավիթ Համբարձումյանին. «Ես, լինելով Մասիսի շրջանի ՀՀԿ ղեկավարը, այդ որոշումը նորմալ ընդունեցի և օգնում եմ, որ պարտադիր կուսակցության որոշումը դրական լուծում ստանա, սատարում եմ Դավթ Համբարձումյանին և վստահ եմ, որ նա կընտրվի, քանի որ մեր շրջանի ՀՀԿ-ականների թիվը մոտ 4000 է, որից Մասիսում՝ 1000-ն են»:
Անդրադառնալով դիտարկմանը, որ Դավիթ Համբարձումյանը ևս վստահություն է արտահայտել, որ ինքն է ընտրվելու, և այդ վստահությունը բխում է նրանից, որ նա ոստիկանապետ Վովա Գասպարյանի անվտանգության պետի փեսան է, Սաշա Հակոբյանը նշեց.«Վովա Գասպարյանի անվտանգության պետի փեսան է, ճիշտ է, բայց եկեք դրա հետ չկապենք, որովհետև Դավիթ Համբարձումյանը և նրա հայրը մեր քաղաքում հարգանք են վայելում, նրանք մեր քաղաքացիներից շատերին են առանց ակնկալիքի օգնել, և հիմա եկել է ժամը, որ մեր քաղաքացիները պետք է նրանց օգնեն»:
Մանրամասները՝ տեսանյութում:
