ՀՀ Ազգային ժողովի նախագահ Գալուստ Սահակյանը օգոստոսի 25-ին Ծաղկաձորում «Բազե-2016» համահայկական երիտասարդական հավաքի մասնակիցների հյուրն էր: Հիշելով իր երիտասարդ տարիները՝ ԱԺ նախագահը նշեց, որ այն ժամանակ կարելի էր ամեն ինչի մասին խոսել, բայց ոչ՝ հայրենիքից, քաղաքականությունից։
Այս առումով, ըստ նրա, այսօրվա երիտասարդները շահեկան վիճակում են։ Նա կոչ է արել երիտասարդներին սիրել հայրենիքը, ուշադրության կենտրոնում պահել ուսման պրոցեսը, որպեսզի հետագայում տարբեր ոլորտներում ունենանք լավ կադրեր։ Գ. Սահակյանի խոսքով՝ երիտասարդությունը մեր ապագան է և պետք է զգա քաղաքական գործընթացները, ներգրավվի տարբեր պրոցեսներում։
«Ամբողջ ազգը բամբասելու մեջ է. Մի կողմից լրագրողները, մյուս կողմից՝ սովորական մարդիկ, մյուս կողմից մարդիկ, որոնք շատ վատ են ապրում և մտածում են՝ կորչի այս իշխանությունը, նոր իշխանություն գա, որպեսզի ավելի լավ ապրենք, և այսպես շարունակ: Սա մեր նորանկախ Հայաստանի… պիտի ասեմ այս վերջին տարիները առանձնահատուկ էին հենց դրանով. ,ենք աշխատեցինք այնպես, որ ով ինչ ցանկանում է կարողանա խոսել, բայց այսօր ես նկատում եմ, որ այդ խոսքը ոչ միշտ է առավելություն բերում…»,- նշեց Գ. Սահակյանը: Անդրադառնալով Սարի թաղում լրագրողների նկատմամբ ոստիկանության կողմից բռնության կիրառմանը, ԱԺ նախագահը նշեց. «Ես չեմ կարծում, որ ինչ-որ միլիցիոներ, ոստիկանապետ կամ ոստիկանության աշխատող հենց որ լրագրող է տեսնում, ուզում է նրա հախից գալ…»
Մանրամասները՝ տեսանյութում: