Բջջային WhatsApp մեսենջերի ղեկավարությունը հայտարարել է, որ մոտ ժամանակներս կսկսի փոխանցել իր օգտատերերի հեռախոսահամարները Facebook ընկերությանը, որը ձեռք է բերել ծառայությունը 2014 թվականին։ Այս մասին հայտնում է Associated Press-ը։
Այդպիսով՝ Facebook-ը կստանա իր գովազդը մեսենջերի օգտատերերին պարտադրելու հնարավորություն, ինչը կարող է շատերի կողմից բացասական արձագանք առաջացնել։
WhatsApp-ի որոշումը զգալի փոփոխություն է ծառայության դիրքորոշման մեջ, որը իր 1 մլրդ օգտատերերին խոստացել էր ապահովել նրանց անձնական տվյալների պաշտպանությունը։
Սոցցանցն ընկերների հավելում կառաջարկի օգտատիրական կոնտակտների բազայից։ Facebook-ում հայտնել են, որ չեն արտացոլի հեռախոսահամարները սոցցանցի պրոֆիլում։
Facebook-ը WhatsApp բջջային մեսենջերը ձեռք է բերել 2014-ին՝ 21.8 մլրդ դոլարով։