Սիրիայի ԱԳՆ ղեկավար Վալիդ Մուալեմը ժամանել է Բաղդադ՝ Իրաքի ղեկավարության հետ քննարկելու Թուրքիայի գործողությունները և պայքարն ահաբեկչության դեմ: Այս մասին Sputnik գործակալությանը հայտնել է Սիրիայի ԱԳՆ աղբյուրը:
«Մուալեմն իրաքցի պաշտոնյաների հետ կքննարկի ահաբեկչության դեմ պայքարում ջանքերի համակարգումն ու Թուրքիայի ներխուժումը Սիրիայի հյուսիս»,- հայտնել է աղբյուրը:
ԱԳՆ ղեկավարը կհանդիպի իր իրաքցի գործընկեր Իբրահիմ ալ-Ջաֆարիի, նաև վարչապետ Հայդեր ալ-Աբադիի և նախագահ Ֆուադ Մաասումի հետ: Այցը կտևի մեկ օր:
Թուրքական բանակը չորեքշաբթի կոալիցիայի ավիացիայի և սիրիական ընդդիմության աջակցությամբ սկսել է ԴԱԻՇ-ի գրոհայիններից սիրիական Ջարաբլուս քաղաքի ազատագրման գործողությունը: Սիրիայի իշխանությունները Թուրքիայի գործողություններն անվանել են ինքնիշխանության խախտում: Մեկ օրում Ջարաբլուսն անցել է ընդդիմադիր Սիրիական ազատ բանակի վերահսկողության տակ: