ՆԱՏՕ-ն չի ձգտում Ռուսաստանի հետ առճակատման, ջանքեր կներդնի կառուցողական հարաբերությունների ստեղծման նպատակով՝ դրա համար կիրառելով նաև կապի առկա ուղիները։ Այս մասին լեհական Onet ատռցանց պարբերականի հետ հարցազրույցում հայտարարել է դաշինքի գլխավոր արտուղար Յենս Սթոլթենբերգը։
«Զսպման մեր ռազմավարության նպատակը ոչ թե հակամարտության հրահրումն է, այլ դրա կանխումը։ Մենք Ռուսաստանի հետ առճակատում չենք ցանկանում, մենք հետագայում էլ ջանքեր կներդնենք ավելի կառուցողական կապերի հաստատման համար»,- հայտարարել է Սթոլթենբերգը՝ նշելով, որ ուժեղ պաշտպանության և քաղաքական երկխոսության միջև, իր կարծիքով՝ հակասություններ չկան, քանի որ դրանք լրացնում են միմյանց։
Դաշինքի գլխավոր քարտուղարն ընդգծել է, որ ՆԱՏՕ-ի նպատակն է ձգտումը դեպի ավելի մեծ թափանցիկություն և կանխատեսելիությունը, որը ցուցաբերվել է ՌԴ-ՆԱՏՕ խորհրդի հանդիպմանը։
«Երբ աճում է լարվածությունը, ամենից կարևոր է քաղաքական երկխոսության ուղիները բաց պահելը։ Մենք սպասում ենք, որ Ռուսաստանը կմիանա թափանցիկության բարձրացման և ռիսկի սահմանափակման ջանքերին, քանի որ նման գործողությունները բոլորի շահերից են բխում»,- կարծում է նա։
«Մենք բաց ենք խորհրդում Ռուսաստանի հետ փուլային, ներգրավված և հստակ երկխոսությանը՝ խուսափելու թյուրիմացություններից և մեծացնելու թափանցիկությունն ու գործողությունների կանխատեսելիությունը։ Կան նաև ռազմական հաղորդակցության գծեր։ Մենք կկիրառենք այդ ուղիները՝ բարձրացնելու համար մեզ համար կարևոր հարցերը»,- հայտարարել է գլխավոր քարտուղարը։
