«Գնահատական տալու իրավասություն չունեմ, դա դատական քննության ենթակա հարց է»,- Անդրիաս Ղուկասյանին կալանքի տակ թողնելու մասին այսօր լրագրողներին հետ զրույցում ասաց ՄԻՊ Արման Թաթոյանը Կառավարության նիստից հետո:
ՀՀ Մարդու իրավունքների պաշտպան Արման Թաթոյանը տեղեկացրեց, որ «Նուբարաշեն» քրեակատարողական հիմնարկի ղեկավարության հետ քննարկել է ակտիվիստ Անդրիաս Ղուկասյանի համար ջրի հարցը: Ղուկասյանը (որին հուլիսին ձերբակալել, այնուհետեւ կալանավորել են ՝ զանգվածային անկարգությունների մեջ մեղադրանքով) գտնվում է ՄԻՊ գրասենյակի վերահսկողության տակ, հավելեց Թաթոյանը՝ մեկնաբանելով կալանավորվածի հացադուլը:
«Մենք մշտապես հանդիպում ենք նրա հետ, ուսումնասիրում նրա բժշկական փաստաթղթերը, խոհրդակցում բժիշկների հետ: Ղուկասյանը պայմանների ու վերաբերմունքի առումով որեւէ դժգոհություն չի ունեցել: Ջրի հարցը մենք բարձրացրել ենք ու լուծել: Անձամբ ինքս հանդիպել եմ նրան: Ընդհանուր առմամբ, մեր վերջին տեսակցության ժամանակ Ղուկասյանի վիճակը բավարար էր, բայց շուտով ես նորից կայցելենք նրան»,- ասաց Ա. Թաթոյանը:
Անդրադառնալով մյուս ակտիվիստներին՝ «Ժառանգություն» կուսակցության անդամներ Արմեն Մարտիրոսյանին, Դավիթ Սանասարյանին ու Հովսեփ Խուրշուդյանին, ովքեր գրավի դիմաց ազատ են արձակվել, Թաթոյանը նշել է, որ ՄԻՊ գրասենյակը արել է այն ամենն, ինչ կարող էր՝ համապատասխան գրություններ է տվել, իրենց հետ առանձնազրույցների արդյունքում նշել էինք գործի բոլոր հանգամանքները և ուղարկել Քրեական հետապնդման մարմնին: Աշխատանքի մյուս մասը նրանց փաստաբանները պետք է անեն, երևի բողոքարկեն, – հավեց Ա. Թաթոյանը:
Մանրամասները՝ տեսանյութում: