Բուրկինիի ստեղծող ավստրալացի դիզայներ Ահեդա Զանետին քննադատել է դրա կրման արգելքի սահմանումը ֆրանսիական մի շարք կոմունաների իշխանությունների կողմից։ Այս մասին նա գրել է The Guardian-ի իր հոդվածում։
Դիզայների խոսքով՝ 2004 թվականին ինքը որոշել է ստեղծել բուրկինին, որպեսզի իսլամ դավանող կանանց ավելի շատ ազատություն տա, թույլ տա նրանք վարեն ակտիվ կենսակերպ։ Նրան բուրկինիի ստեղծման է մղել այն դեպքը, երբ ինքը տեսել է, թե որքան անհարմար է եղել իր զարմուհու համար վոլեյբոլ խաղալը։ Զանետին հիշել է, որ ինքն անձամբ սպորտով չի զբաղվել մանուկ հասակում՝ համապատասխան հագուստի բացակայության պատճառով։
Բուրկինիի կրման արգելք սահմանելով՝ ֆրանսիական իշխանությունները նմանվում են արմատականներին՝ կարծում է դիզայները։
«Դա կանանց ազատություն էր տալիս, և նրանք ցանկանում են դա խլե՞լ։ Ո՞վ է ավելի լավը՝ «Թալիբա՞նը», թե՞ ֆրանսիացի քաղաքական գործիչները»,- հարցադրում է արել նա։