Հանրապետական կուսակցությունից ԱՄՆ նախագահի թեկնածու Հիլարի Քլինթոնը երբեք միջոցներ չի ստացել ամուսնու հիմնադրած բարեգործական հիմնադրամից: Այդ մասին նա հայտնել է CNN հեռուստաալիքի լրագրողներին տված հարցազրույցի ժամանակ:
Քլինթոնն ընդգծել է, որ Քլինթոն ընտանիքի հիմնադրամը (Clinton Foundation) զբաղվում է բացառապես բարեգործությամբ: «Ո՛չ իմ ամուսինը, ոչ ես դրանից երբեք աշխատավարձ չենք ստացել: Այդ կազմակերպության մասին դուք ավելի շատ գիտեք, քան Դոնալդ Թրամփին վերաբերող ցանկացած ասպեկտի մասին: Մենք զբաղվում ենք աշխատանքով, որը կյանքեր է փրկում»,- ասել է նա:
Նրան նաև հարց են տվել, թե ինչու հիմնադրամը չի դադարել արտասահմանյան հովանավորներից և խոշոր ընկերություններից նվիրատվություններ ստանալը նրա ԱՄՆ պետքարտուղար եղած ժամանակ: Բիլ Քլինթոնը անցյալ շաբաթ հայտարարել է, որ կազմակերպությունը պատրաստ է դիմելու այդ քայլին նախագահական ընտրություններում կնոջ հաղթանակի դեպքում: «Ակնհայտ է, եթե ես դառնամ նախագահ, ապա կառաջանան հատուկ հանգամանքներ»,- ասել է Քլինթոնը: