«Ես այս տարին կբաժանեի երեք ցիկլերի՝ առաջինը՝ ապրիլյան պատերազմը, երկրորդը՝ հուլիսյան դեպքերը, երրորդը՝ ՏԻՄ ընտրությունները: Ապրիլյան պատերազմի ժամանակ մենք ունեցանք մեծ սխրագործություններ, ավելին, քան կարելի էր պատկերացնել, հատկապես երբ որ երկիրը սոցիալական ծանր վիճակում է: Թվում էր, թե գործող իշխանությունը պետք է հրատապ որոշում կայացներ և փոխեր մեր ազգի քաղաքական դիմագիծը և մեր պետության զարգացան ուղին: Իշխանության մեջ բավարար ռեսուրս չկար գեներացնելու ազգային միասնության ապրիլյան հզորությունը»: Այս մասին «Առաջին լրատվական» -ի հետ զրույցում ասաց ԲՀԿ քաղխորհրդի անդամ Սերգեյ Բագրատյանը:
Նրա խոսքով՝ «Սասնա ծռեր»-ի և Խորենացու փողոցում ընթացող գործողությունները նոր ցնցում առաջացրին հասարակության մեջ. փորձ արվեց թույլ չտալու, որ իշխանությունը հասարակությանը տանի համակերպման ճանապարհով, և ստեղծվեց նոր իրողություն. ծայրահեղականությունը որպես քաղաքական գործիք:
Կա՞ արդյոք պահանջ, որ Գագիկ Ծառուկյանը վերադառնա քաղաքականություն. այս հարցին ի պատասխան՝ Ս. Բագրատյանը նշեց, որ ԲՀԿ շարքային անդամներն ու գյուղացիները ոչ թե ակադեմիկոսի, այլ Ծառուկյանի կարիքն ունեն. «Մեր մարզային հանդիպումներում գյուղացիները պահանջում են պարզաբանել, թե ինչու հեռացավ Գագիկ Ծառուկյանը: Մենք չենք պատրաստել հասարակական այնպիսի հանրույթ, որը պահանջելու է դոկտոր պրոֆեսորներին: Հսկայական զանգված շատ պարզ քաղաքական գործիչների կարիքն ունի»:
Մանրամասները՝ տեսանյութում: