Վերաքննիչ դատարանում «Սասնա ծռեր» խմբի անդամ Գևորգ Իրիցյանի բողոքի քննությունը կրկին հետաձգվեց: Այս մասին լրագրողների հետ զրույցում տեղեկացրեց Գևորգ Իրիցյանի շահերի պաշտպան Արա Զաքարյանը. «Նիստը հետաձգվել է, որովհետև նախ չի ապահովվել իմ պաշտպանյալի ներկայությունը նիստին, և երկրորդ, դատախազը արդեն երկրորդ անգամ բացակայում է նիստից»:
Հարցին, թե ի՞նչն է դատախազի բացակայության պատճառը, Արա Զաքարյանն ասաց, որ եթե դատախազը տեղյակ է նիստի մասին և չի ներկայանում, հավանաբար նա այս գործով ասելիք չունի:
Հարցին, թե որքան է հավանական Գևորգ Իրիցյանին առաջադրված մեղադրանքը պատանդ պահելու մասին, եթե բժիշկները գրավված ՊՊԾ գունդ էին մեկնել հենց նրան բժշկական օգնություն ցույց տալու համար, Արա Զաքարյանն ասաց. «Այս փաստարկն առաջին ատյանի դատարանում ներկայացվել է, և դրա համար միայն Գևորգ Իրիցյանի մասով դատարանը նշել էր, որ չկա հիմնավոր կասկած, որ նա կարող էր պատանդ վերցնել բժիշկներին, սակայն երկու մեղադրանքն էլ ուժի մեջ է»:
Մանրամասները՝ տեսանյութում:
