«Ժողովրդի մեջ հիասթափություն չեմ տեսնում: Այն էներգիետիկան որ կար, պահպանվում է. «Առաջին լրատվական» -ի հետ զրույցում ասաց քաղաքագետ Սարո Սարոյանը:
Նոր կազմավորվող «Սասնա ծռեր» համակարգող խորհրդի կազմում Ս. Սարոյանը չի ընդգրկվել: «Առաջարկվել է, ես մերժել եմ լինել խորհրդի կազմում, բայց շատ դրական եմ գնահատում ձևավորվող խորհրդի գործունեությունը, կարծում եմ՝ խորհուրդը շատ մեծ խնդիր ունի լուծելու և հուսով եմ, որ կկարողանա լուծել»,- պարզաբանեց քաղաքագետը:
Անդրադառնալով դիտարկմանը, որ մի կողմից Հիմնադիր խորհրդարանը և «Սասնա ծռեր»-ը մերժում են ընտրությունները, մյուս կողմից՝ «Սասնա ծռեր խմբի անդամ Արայիկ Խանդոյանը առաջադրում է իր թեկնածությունը, Ս. Սարոյանը նշեց.«Կարծում եմ, ոչ մի մարտավարական խնդիր չկա, այդ որոշումը համաձայնեցված չի եղել Հիմնադիր խորհրդարանի և նաև «Սասնա ծռեր խմբի մյուս անդամների հետ, այդ որոշումը, ըստ էության, վարչախմբի կողմից կազմակերպված ներգործության արդյունքում է ստեղծվել, քանի որ բոլորս գիտենք, որ բոլորն այդքան քաղաքական խորը գիտելիքներ չեն կարող ունենալ՝ հասկանալու համար նման գործընթացի վնասակարությունը, և առաջին հայացքից կարող է թվալ, որ համայնքում թեկնածություն դնելու համաձայնություն տալով և լոկալ ինչ-որ մի փոքր հաղթանակ տանելով՝ ընդհնուր հաղթանակի կերտմանն ենք օգտակար լինում:
Իրականում վարչախաումբը փոքր հաղթանակի կածան բացելով շարժման պարտության ուղին է գծում»:
Մանրամասները՝ տեսանյութում:
