«Սասնա ծռեր»- ը վայր դրեցին զենքերը, հասարակության մոտ նորից բողոքի ցասում առաջացնելու համար Ազատության հրապարակը բավարար մոտիվացիա ստեղծո՞ւմ է: Ի պատասխան այս հարցի Առաջին լրատվականի հետ զրույցում դերասանուհի Թամար Հովհաննիսյանը նշեց. «Երբ Սասնա» ծռերը գնդի ներսում էին, դա էքստրիմ վիճակ էր, նորից այդպիսի իրավիճակ ակնկալելը անիմաստ կլինի: Իրադարձություններն ընթանում են, բավականին սուր իրադարձություններ են շարունակվում՝ «Սասնա ծռեր»- ի 7 վիրավորների առողջական վիճակը Դատապարտյալների հիվանդանոցում, որը մեզ դրդում է ակցիաների, հատկապես Հովհաննես Հարությունյանի վիրահատության խնդիրը, Սեդրակ նազարյանի վիճակը, դատական նիստերն են շարունակվում, ակցիաներ ենք անում:
Ոչ մի օր չպետք է կանգնել, բացի «Սասնա ծառեր»- ի առաջ քաշած պահանջներից՝ մենք նաև առօրյա խնդիրներ ունենք, ես ուզում եմ ակցիա կազմակերպել, որպեսզի թույլատրեն՝ կամավորներ գնան դատապարտյալների հիվանդանոց, օրինակ՝ ես կարող եմ գնալ, մաքրել, վիրակապել, գիրք կարդալ նրանց համար. քաղքակիրթ երկրներում այս հումանիզմն ընդունված է»:
Անդրադառնալով Արայիկ Խանդոյանի՝ համայնքապետի թեկնածության առաջադրմանը և Ա. Ենիգոմշյանի հորդորին՝ թեկնածությունը հանելու վերաբերյալ, դերասանուհին նշեց. «Կարծում եմ, այո՛, այս համակարգում պետք չէ մասնակցել ո՛չ ՏԻՄ, ո՛չ էլ առավել ևս ԱԺ ընտրություններին, չի կարելի, այսքանից հետո մասնակցել ընտրություններին կնշանակի այս ամենը «հեչ անել»: Բայց Արայիկ Խանդոյանի նկատմամբ թուլություն ունեմ, նրա քայլի մեջ չեմ տեսնում այն մեկնաբանությունը, թե նա համակարգ է մուտք գործում, որպեսզի նրանց հետ աշխատի: Նրա քայլի մեջ տեսնում եմ, պատկերավոր ասած՝ լակմուսի թուղթ, որ իջեցվում է նյութի մեջ՝ պարզելու՝ ինչ է իրենից ներկայացնում»:
Մանրամասները՝ տեսանյութում: