Մարդասիրական օգնություն է մատակարարվել սիրիական Հոմս նահանգի Ալ-Վաեր քաղաք, որը դարձել է դեռևս միակը պաշարված և դժվարհասանելի բնակավայրերից, որտեղ ՄԱԿ-ը կարողացել է շարասյուն ուղարկել ընթացիկ ամսում։ Այս մասին հայտնել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը՝ փոխանցում է RIA Novosti-ն։
Սննդամթերք, բժշկական միջոցներ և այլ անհրաժեշտ ապրանքներ է ստացել 35 հազար մարդ։ Այդ բնակավայր երկրորդ շարասյան ուղարկումը ծրագրված է մինչև շաբաթվա վերջ։ Վերջին անգամ օգնությունն Ալ-Վաեր ուղակվել է հուլիսի կեսերին, մինչ այդ՝ միայն 2016-ի հունվարի կեսերին։
Ինչպես երեկ հայտարարել էր մարդասիրական հարցերով ՄԱԿ-ի գլխավոր քարտուղարի տեղակալ Սթիվեն Օ՝Բրայենը, օգոստոսին ՄԱԿ-ը ծրագրել է մարդասիրական օգնության մատակարարում 32 շրջաններ՝ 991 հազար մարդու համար, սակայն հասանելիության մերժում ստացել կեսից ավելիից։
Համաձայն անցած շաբաթ Սիրիայում մարդասիրական վիճակի մասին ներկայացված զեկույցի՝ մոտ 5.5 մլն մարդ Սիրիայում ապրում է պաշարված և դժվարհասանելի շրջաններում։ Սեպտեմբերին ՄԱԿ-ի մարդասիրական գործակալությունները ծրագրում են մարդասիրական բեռներ ուղարկել 34 դժվարհասանելի և պաշարված շրջաններ՝ 1.9 մլն մարդու համար։