Մեկ մարդ զոհվել, ևս 29-ը վիրավորվել են Թաիլանդի հարավային Պատտայա նահանգում տեղի ունեցած պայթյունների շարքի հետևանքով։ Այս մասին հայտնում է TASS գործակալությունը՝ հղում անելով տեղի ոստիկանությանը։
Հաղորդվում է, որ երեք պայթյունները որոտացել են երեքշաբթի երեկոյան փոքր ժամանակային միջակայքերով։ Առաջին ռումբը պայթել է տեղի բարի մոտ՝ ոչ մեկին վնաս չպատճառելով։
Այնուհետև դեպքի վայրից 60 մետր հեռավորության վրա պայթել է սարք, որը տեղադրված է եղել Southern View Hotel հյուրանոցի մոտ կայանված մեքենայում։ Զոհվել է 35-ամյա տեղացի մի կին, ևս 29 մարդ վնասվածքներ են ստացել։
Նախնական տվյալներով՝ բոլոր տուժածները Թաիլանդի քաղաքացիներ են։ Ոստիկանության հաղորդմամբ՝ երրորդ պայթյունը նույնպես որոտացել է Պատտայայի տարածքում՝ տեղի շուկայի շրջանում։ Ոչ ոք չի տուժել։ Իրավապահ մարմինները կասկածներ ունեն, որ պայթյունների շարքի հետևում կանգնած են տարածաշրջանում գործող իսլամիստ անջատողականները։
Անջատողական խմավորումները գործում են Թաիլանդի մուսուլմանական հարավում ավելի քան 11 տարի՝ ձգտելով հասնել 3 նահանգների տարածքում սուլթանության ստեղծման։
