ԱՄՆ նախագահի հանրապետական թեկնածու Դոնալդ Թրամփը չի բացառում անօրինական ներագաղթյալների հանդեպ իր կոշտ դիրքորոշման փոփոխումը և նույնիսկ կարող է դիտարկել ապօրինաբար երկիր ժամանողներին արտաքսելու վերաբերյալ առկա օրենքների մեղմացման հնարավորությունը։ Այս մասին նա հայտարարել է Fox News հեռուստաալիքի հետ հարցազրույցում։
Թրամփը հաստատակամ է պատասխանել հաղորդավարի հարցին՝ կարո՞ղ է նա նախագահ ընտրվելու դեպքում մեղմացնել գործող միգրացիոն օրենքները և թույլ տալ անօրինական ներգաղթյալներին մնալ երկրում, եթե նրանք ԱՄՆ-ում են բնակվում արդեն երկար ժամանակ, ունեն ընտանիք և դաստիարակում են երեխաների։
«Իհարկե, մեղմացում հնարավոր է, քանի որ մենք չենք ցանկանում վնաս պատճառել մարդկանց»,- ասել է միլիարդատերը։
«Մեր երկրում հիանալի մարդիկ կան (ներգաղթյալների թվից), և նրանք մեզ պետք են»,- խոստովանել է հանրապետականը։
Թրամփը նշել է, որ մտադիր է վերջնականապես սահմանել իր վերաբերմունքը անօրինական ներգաղթյալների արտաքսման հարցում «շատ շուտ»։