ԱՄՆ-ը աշխատում է Անկարայի և քրդերի միջև լարվածության աճ թույլ չտալու համար այն հաղորդագրություններից հետո, թե թուրքական բանակի հրետանին հրթիռա-ականանետային կրակ է արձակում Մանբիջ քաղաքից հյուսիս՝ «Սիրիայի դեմոկրատական ուժերի» կազմավորումների դիրքերի ուղղությամբ։ Այս մասին ճեպազրույցում ասել է Պետդեպի մամլո ծառայության պետի տեղակալ Մարկ Թոները։
«Մենք կապի մեջ ենք թուրք պաշտոնատար անձանց, ինչպես նաև Սիրիայի դեմոկրատական ուժերի ներկայացուցիչների հետ՝ կապված այդ միջադեպի հետ։ Մենք աշխատում ենք լարվածության աճ թույլ չտալու համար։ Ես կցանկանայի հիշեցնել երկու կողմերին, որ ԴԱԻՇ-ը գլխավոր և ընդհանուր թշնամի է, որի դեմ մենք բոլոս կռվում ենք»,- պարզաբանել է նա։
Թոները նշել է, որ ԱՄՆ-ի բոլոր գործընկերները պետք է կենտրոնանան միայն մեկ նպատակի՝ ԴԱԻՇ-ի ոչնչացման վրա։
