Ամերիկյան Վաշինգտոն նահանգի նահանգապետ Ջեյ Ինսլին արտակարգ դրության ռեժիմ է հայտարարել՝ կապված խոշոր անտառային հրդեհների հետ, որոնք մոլեգնում են վերջին մի քանի շաբաթներին։ Այս մասին հայտնում է Associated Press գործակալությունը։
Արտակարգ դրության ռեժիմ է հայտարարվել նահանգի 20 շրջաններում, որոնց վրա առավել ուժեղ անդրադարձել է տարերային աղետը։ Ամենից շատ տուժել է Սպոկան շրջանը, որտեղ հրդեհները զավթել են մո 30 քառակուսի կմ տարածք։ Հարյուրավոր մարդիկ ստիպված են եղել լքել իրենց տները:
Իշխանությունները նախազգուշացնում են, որ առաջիկա շաբաթը իրավիճակի բարելավում չպետք է սպասել։ Օդերևութաբանները կանխատեսում են շոգ և քամոտ եղանակը, ինչը կնպաստի կրակի տարածմանը։
Հրդեհի հետևանքով արդեն ոչնչացել է ավելի քան 25 շինություն։ Հարյուրավոր շենքեր սպառնալիքի տակ են։ Իրականացվում է տարհանում։