ԱՄՆ դաշնային կարգավորողը եկել է եզրակացության, որ վերջին երկրաշարժերն ԱՄՆ Տեխաս նահանգում ակնհայտորեն կապված են նավթագազային արդյունաբերության մեջ հորատման ժամանակ կեղտաջրերի ուտիլիզացման հետ, ինչը հաստատում է նահանգի համալսարանների գիտնականների եզրակացությունները: Այս մասին հայտնում է Reuters-ը:
ԱՄՆ Շրջակա միջավայրի պահպանության գործակալության (ЕРА) պաշտոնյաները համապատասխան մեկնաբանությունն արել են Տեխասի երկաթուղիների հարցերով հանձնաժողովի նամակում, որը կարգավորում է նավթային արդյունաբերությունը երկրի հիմնական նավթ արդյունահանող շրջանում: Նախկինում հանձնաժողովը հարցականի տակ էր դրել համալսարանական ուսումնասիրությունների արդյունքները:
«EPA-ն կարծում է, որ զգալի հավանականություն կա, որ սեյսմաակտիվությունը Տեխասի հյուսիսում կապված է արդյունաբերական հորատանցքերի կեղտաջրերի հետ»,- ասվում է գործակալության նամակում: