Իտալիայի կենտրոնական մասում 6,1 մագնիտուդով երկրաշարժ է տեղի ունեցել: Այս մասին հաղորդվում է Եվրոպական միջերկրածովյան սեյսմոլոգիական կենտրոնի կայքում:
Հաղորդվում է, որ ստորգետնյա ցնցման էպիկենտրոնը գտնվել է Մալտինինյանո կոմունայից 18 կմ հյուսիս-արևելք, Հռոմից 116 կմ հյուսիս-արևելք: Օջախը գտնվել է 10 կմ խորության վրա:
Առաջին ցնցումը տեղի է ունեցել 01:36-ին (մեր ժամանակով՝ 05:36): Երկրորդ ցնցումն արձանագրվել է 20 րոպե անց, ունեցել է 4,9 մագնիտուդ:
Ամատրիչե քաղաքի ղեկավար Սերջիո Պիրոցցին RaiNews24 հեռուստաալիքի եթերում հայտնել է, որ «քաղաքի կեսն այլևս չկա»:
Առնվազն 2 մարդ է զոհվել Ամատրիչեում: Այս մասին հայտնել են կարաբիներների կորպուսի ներկայացուցիչները:
Հաղորդվում է նաև Ակկումոլի քաղաքում 4 զոհի մասին:
«Քաղաքի կեսն այլևս չկա: Մարդիկ ծուղակի մեջ են ընկել խճաքարի շերտի տակ»,- ասել է Պիրոցցին:
Նրա խոսքով՝ դեպի քաղաք անցումային ուղիներն արգելափակվել են, և օգնություն է խնդրել դրանք ազատելու համար:
«Մեզ մոտ սողանք է եղել ճանապարհներից մեկի վրա, մինչ մյուսը՝ քաղաքից տանողը, անցնում է կամրջով, որը ուր որ է՝ կփլվի: Մարդիկ հավաքվում են սպորտային կենտրոններում: Մենք էլեկտրականություն չունենք»,- հայտնել է Ամատրիչեի քաղաքապետը:
Միաժամանակ, Իտալիայի քաղապաշտպանության դեպարտամենտը հայտնել է կենտրոնական Իտալիայում մի շարք ցնցումներից հետո շենքերի զանգվածային ավերման մասին: