Թուրքական բանակը կոալիցիայի ավիացիայի աջակցությամբ սկսել է ԴԱԻՇ-ի գրոհայիններից սիրիական Ջարաբլուս քաղաքի ազատագրման գործողությունը։ Այս մասին հայտնում է Anadolu գործակալությունը։
Ինչպես փոխանցում է գործակալությունը՝ ռազմական գործողությունն ուղղված է Թուրքիայի հետ սահմանակից քաղաքներն ահաբեկիչներից մաքրելուն և սեփական սահմանների պաշտպանությանը։ Հստակեցվում է, որ գործողությունում կկիրառվի ծանր հրետանի։
Ավելի վաղ Թուրքիայի արտգործնախարար Մևլյութ Չավուշօղլուն հայտարարել էր, որ Թուրքիան պատրաստ է ցանկացած օգնություն տրամադրել ԴԱԻՇ-ից Ջարաբլուս քաղաքի ազատագրման գործողությունում։ Հաղորդվել էր նաև, որ թուրքական բանակը հարձակվել է ԴԱԻՇ-ի դիրքերի և քրդական ուժերի վրա Ջարաբլուս և Մանբիջ քաղաքների մոտ։