Բրիտանական Reuters լրատվական գործակալության փոխանցմամբ՝ ԱՄՆ պետդեպարտամենտի պաշտոնական ներկայացուցիչ Մարկ Թոները հայտարարել է, որ ընդդիմադիր քաղաքական գործիչ Ֆեթուլլահ Գյուլենի արտահանձնման վերաբերյալ Թուրքիայի դիմումը կապված չէ ոչ վաղ անցյալում Թուրքիայում իրականացված ռազմական հեղաշրջման փորձին նրա մասնակցության վերաբերյալ մեղադրանքի հետ.
«Այդ դիմումը կապված չէ հեղաշրջման փորձի հետ»։ Թոներն այդպես է պատասխանել լրագրողների այն խնդրանքին, որն առնչվել է Թուրքիայից ստացված փաստաթղթերը մեկնաբանելուն։
Օգոստոսի 22-ին ԱՄՆ արդարադատության նախարարության պատվիրակությունը ժամանել էր Թուրքիա՝ քննարկելու համար Գյուլենի արտահանձնման հարցը։ Թուրքական մամուլի հաղորդմամբ՝ դա ԱՄՆ-ի կողմից Գյուլենի արտահանձնման գործընթացում կատարված առաջին քայլն է։