Թուրքական Anadolu լրատվական գործակալության փոխանցմամբ՝ Թուրքիայի նախագահն ընդունել է Հյուսիսային Իրաքի քրդական ինքնավարության ղեկավար Մասուդ Բարզանիին։
Հանդիպումը տեղի է ունեցել Անկարայում գտնվող նախագահական նստավայրում, տևել է 1 ժամ և 50 րոպե ու անցել է մամուլի համար դռնփակ պայմաններում։
Լրատվամիջոցի աղբյուրները հայտնել են, որ հանդիպման ժամանակ քննարկվել է Հյուսիսային Իրաքում իսլամական քարոզիչ Ֆեթուլլահ Գյուլենի դպրոցների ու այլ կառույցների փակվելու հարցը։
Բացի այդ, քննարկվել են տարածաշրջանային գործընթացները, այդ թվում՝ ԴԱԻՇ-ի ու PKK-ի դեմ պայքարը։ Բարզանին իր հերթին աջակցություն է հայտնել ժողովրդավարության համար թուրք ժողովրդի մղած պայքարին՝ ընդգծելով, որ գտնվելու է Թուրքիայի օրինականորեն ընտրված կառավարության կողքին։
