Georgia Online-ի փոխանցմամբ՝ Վրաստանի Պետական անվտանգության ծառայությունը հերքել է այն տեղեկատվությունը, թե Վրաստանում ահաբեկչության պատրաստման գործով շրջանառվում են այնպիսի նյութեր, որ կասկածյալները կապված են վահաբականների հետ։
Նման նյութերի առկայության մասին տեղեկատվությունը տարածել է ամբաստանյալներից Բեկի Բեքաուրիի փաստաբան Մայա Չրելաշվիլին։ Նա պատմել է, որ Բեքաուրիի լուսանկարներում առկա է ԴԱԻՇ-ի դրոշ, և որ դա կցվել է նրա գործին։
Նրա խոսքերով՝ գործի նյութերում կա նաև տեղեկատվություն այն մասին, որ Բեքաուրին կարող է կապված լինել վահաբականության հետ, ինչը նա հերքում է։
Բեքաուրին ներկայումս հիվանդանոցում է։ Նա հինգ մեղադրյալներից միակն է, որն ընդունել է մեղքը։
