Թուրքական Anadolu լրատվական գործակալության փոխանցմամբ՝ Անկարայի դատարանը հիմնական ընդդիմադիր «Ժողովրդա-Հանրապետական» կուսակցության (ԺՀԿ) նախկին առաջնորդ Դենիզ Բայքալին ապօրինի գաղտնալսումների մեղադրանքով կալանավորել է 38 մարդ։
Բայքալը ԺՀԿ նախագահի պաշտոնից հրաժարական է տվել 2010 թվականի մայիսին։ Դրա համար հիմք է հանդիսացել համացանցում տեղադրված տեսանյութը, որում նա իր գլխավորած կուսակցության ներկայացուցիչ Ներսին Բայտոկի հետ գտնվում էր անկողնում։
Ավելի վաղ թուրքական մամուլում լուրեր էին տարածվել, որ Բայքալին գաղտնալսելու գործով կասկածյալները իսլամական քարոզիչ Ֆեթուլլահ Գյուլենի կողմնակիցներ են։
Բացի տվյալ գործով 38 մարդու կալանավորելուց, դատարանը որոշել է չբացակայելու դիմաց ազատ արձակել 9 մարդու։