Urals Energy նավթային ընկերությունը հայտնել է JSC Zarubezhneft-ից Արկտիկական նավթային ընկերության (ARCO) ձեռք բերման մասին, հայտնում է TASS-ը:
Նշվում է, որ ARCO-ն զբաղվում է Բարենցի ծովում գտնվող Կոլգուև կղզու նավթահանքի մշակումով: Արդյունահանման մակարդակը կազմում է օրական 340 բարել:
Գործարքի գինը կազմում է 1.56 միլիոն դոլար: Գործարքը պլանավորվում է փակել մինչև 2016 թվականի վերջը:
Urals Energy-ն ստեղծվել է 1990-ական թվականներին և գրանցված է Կիպրոսում: Նրա հիմնադիրներից և համասեփականատերերից մեկը միլիարդատեր Լեոնիդ Դյաչենկոն է` Ռուսաստանի առաջին նախագահ Բորիս Ելցինի դստեր երկրորդ ամուսինը: