Ավարտվեց Ավետիսյանների սպանության գործով ավելի քան ինն ամիս տևած դատավարությունը, Պերմյակովը դատապարտվեց ցմահ ազատազրկման: Վճիռը հրապարակվեց, սակայն պարզ չէ, թե Պերմյակովը պատիժը Հայաստանում է կրելու, թե Ռուսաստանում: Պերմյակովի շահերի պաշտպան Էդուարդ Աղաջանյանը «Առաջին լրատվական»- ի հետ զրույցում նշեց. «Այդ հարցին պետք է անդրադառնար առաջին հերթին մեղադրողն՝ իր մեղադրական ճառում, երբ որ միջնորդում էր պատիժ սահմանել, պետք է նաև ասեր, թե ըստ մեղադրական կողմի՝ ամբաստանյալը որտեղ պետք է կրի այդ պատիժը: Մեղադրողը չանդրադարձավ, պաշտպանական կողմը սպասում էր, որ դատարանը կանդրադառնա այդ հարցին, բայց դատարանը ևս ձեռնպահ մնաց, և այս պահին պաշտպանական կողմի համար ևս անհասկանալի է, թե որտեղ է Պերմյակովը կրելու իր պատիժը այն օրինական ուժի մեջ մտնելուց հետո:
Դատավճիռն օրինական ուժի մեջ կմտնի մեկ ամսից, այդ ընթացքում Պերմյակովը, ամենայն հավանականությամբ, կմնա ռուսական ռազմաբազայի տարածքում:
Մանրամասները՝ տեսանյութում: