«Օգոստոսի 23-ը մեր ժողովրդի պատմական, հրաշալի օրերից մեկն է: 26 տարի առաջ այս օրը ընդունվեց մեր պատմության մեջ երևի լավագույն փաստաթուղթը: Երկրորդ փաստաթուղթը չեմ կարող գտնել, որն այնքան սիրելի է, այնքան ռոմանտիկ, այնքան իրատեսական, այնքան ծրագրային, ինչպես Անկախության հռչակագիրը: Դա մեր պետականության անկյունաքարն է, ծննդյան վկայականը»,- այսօր լրագրողների հետ հանդիպմանը հայտարարեց Ազգային ժողովի ՀԱԿ խմբակցության պատգամավոր Արամ Մանուկյանը, ով Գերագույն խորհրդի առաջին նիստում՝ 1990 թվականի օգոստոսի 23-ին, ընթերցել է Հռչակագրի տեքստը:
«Այս փաստաթուղթը հարկավոր է գուրգուրել. սա պատմական փաստաթուղթ է»,- ընդգծեց Արամ Մանուկյանը:
Մանրամասները՝ տեսանյութում: