Գերագույն խորհրդի պատգամավոր Ալբերտ Բաղդասարյանը նախկինում համակարգում էր ճգնաժամային նախաձեռնող խորհուրդը: Այսօր ստեղծվել է նոր համակարգող խորհուրդ՝ «Սասնա ծռեր»: Ա. Բաղդասարյանն այդ խորհրդի կազմում չէ և չի մասնակցում համակարգման աշծատանքներին: Արդյո՞ք տարակարծություններ և քաղաքական ենթատեքստ կա այս ամենում. անդրադառնալով «Առաջին լրատվական»-ի այս հարցին՝ Ա. Բաղդասարայնը նշեց. «Իմ առաջարկած մոդելը, իմ պատկերացմամբ, ավելի բարդ խնդիրներ լուծելու, ավելի լուրջ իրավիճակի համար պետք է կիրառվի: Ավելի լուրջ իրավիճակն, ըստ իս, Հայաստանի անկախության իրական գործընթացն է, և գործ ենք ունենալու գաղութացնող Ռուսաստանի հետ, այդ ժամանակ Հայաստանում ոչ թե կուսակցությունների պայքար, այլ կուսակցությունների և ժողովրդի ջանքերը միավորող պայքար պետք կլինի:
Մի նոր փուլէ եկել, խնդիրները պետք է փոխվեն և պետք է քննարկվի՝ ինչ է անհրաժեշտ և ինչ ձևաչափով: Ես այն ժամանակ խնդիրը հստակ ձևակերպել եմ: Ես վտանգ էի տեսնում Ռուսաստանի կողմից, որ այստեղ կարող է քաոս ստեղծել, ինչպես Ուկրաինայում Մայդան սարքեց, և ոստիկանի սպանվելուց հետո ես համոզվեցի, որ ճիշտ եմ մտածում՝ պետք է քաոսից զսպել: Ես խոհրդի կազմում չընդգրկվեցի, չնայած Ալեք Ենիգոմշյանն ինձ առաջարկեց, ելնելով նաև իմ առողջական վիճակից՝ ազատ կարգավիճակով մասնակցել աշխատանքներին: Ես փորձում եմ մեկ այլ ձևով օգտակար լինել այս իրավիճակից դուրս գալուն: Քաղաքական տարակարծություններ չկան, ինտրիգային որևէ բան չկա՝ կապված խորհրդի կազմում իմ չընդգրկվելու հետ»:
Մանրամասները՝ տեսանյութում:
