«Շատ կարևոր գործընթացներ են մեր երկրում՝ որոշ ցավոտ հատվածներով: «Սասնա ծռեր»- ն արել են մի գործ, որը շարունակություն է ունենալու, շարժումը նոր թափ է ստանալու, վստահ եմ, որ ժողովուրդը կգիտակցի այդ ամենը, ոտքի կկանգնի և իր քայլերով կապահով այն հաղթանակը, որի արդյունքում նոր «Սասնա ծռեր», իրենց կյանքը վտանգելով, չեն հասնի Հայաստանի անկախությանն ու ազատությանը»,- այս մասին «Առաջին լրատվական»- ի հետ զրույցում ասաց «Ժառանգություն» կուսակցության խոսնակ Դավիթ Սանասարյանը:
Նրա խոսքով՝ առաջիկայում նոր գործընթացներ կսկսվեն: Դավիթ Սանասարյանը նշեց, որ առայժմ ինքը զբաղված է դատարանների առջև բողոքի ակցիաներ կազմակերպելով՝ ի պաշտպանություն ապօրինի որոշմամբ բանտարկված անձանց. «Իշխանությունները պետք է հասկանան, որ այդ տղաները մենակ չեն: Նրանց գործը շարունակվելու է: Հայաստանին պետք են շատ արագ փոփոխություններ»:
Նրա դիտարկմամբ՝ Պետք չէ սպասել արդար ընտրությունների. «Պայքարի տարբեր մեթոդներ են պետք, արդար ընտրությունների կարելի է հասնել քաղաքացիական շարժման մեծ ալիքի արդյունքում»:
Մանրամասները՝ տեսանյութում:
