«Ինձ համար հասկանալի չէ, թե ինչպես կարող է հանրությունը դժգոհ լինել իշխանությունից և միաժամանակ, չգիտես ինչու, թե՛ համապետական, թե՛ ՏԻՄ ընտրություններում հաղթում են իշխանության ներկայացուցիչները: Այս մասին «Առաջին լրատվական»- ի հետ զրույցում ասաց ԲՀԿ խմբակցության նախագահ Նաիրա Զոհրաբյանը:
«Իշխանությունն ի վերջո դաս պիտի քաղի նաև հուլիսյան դեպքերից, որ չի կարելի կյանքի գնով առաջ մղել մեր դեմ խաղ չկա կարգախոսը: Ինչն է խանգարում իշխանությանը, որ ընտրությունները ազատ և արդար անցկացվեն. խանգարում է այն, որ նրանք վստահ են՝ այդպիսի ընտրությունների արդյունքում իրենք չեն կարող իրենց վերարտադրությունն ապահովել: Մենք հասել ենք այն սահմանագծին, որ այսպես այլևս չի կարելի»,- նշեց ԲՀԿ նախագահը՝ հավելելով, որ ցանկացած ընտրակեղծարարություն այս անգամ վտանգավոր է լինելու:
Ն. Զոհրաբյանի դիտարկմամբ՝ կան քաղաքական ուժեր, որոնց մարտավարությունը է զուտ օլիմպիական սկզբունքն է՝ կարևորը ընտրություններին մասնակցությունն է: «Ընտրությունները մեզ համար սպարտակիադա չեն»,- ընդգծեց Նաիրա Զոհրաբյանը՝ հավելելով, որ միայն մրցունակ թեկնածուներ են ներկայացվելու: 87 համայնքներում ԲՀԿ-ն ներկայացնելու է իր թեկնածուներին:
Մանրամասները՝ տեսանյութում: