«Ղարաբաղյան հակամարտության շուրջ բանակցությունները շարունակում են մնալ նույն կետում, ինչ կետում որ եղել են Վիեննայի և Սանկտ Պետերբուրգի հանդիպումների ընթացքում ձեռք բերված պայմանավորվածությունների ժամանակ, և առաջ քաշված խնդիրների շուրջ դեռևս առաջընթաց չի նկատվում՝ Արբեջանի կողմից համապատասխան գործողություններ չձեռնարկելու արդյունքում»,- այս մասին «Առաջին լրատվական»- ի հետ զրույցում ասաց ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը:
Նա նաև հավելեց, որ օրակարգային թիվ մեկ խնդիրը եղել և մնում է հրադարարի ռեժիմի պահպանումը, բացառապես խաղաղ հունում պահպանելը և բացառելը բոլոր այն ագրեսիվ, ռազմական գործողությունները, որոնք տեղի ունեցան ապրիլյան օրերին:
Ա. Զաքարյանի հավաստմամբ՝ բանակցություններն ունեն իրենց տրամաբանությունը և հայկական կողմի համար այդ տրամաբանությունը չի փոխվել: Նրա խոսքով՝ ապրիլյան պատերազմը ցույց տվեց, որ Ադրբեջանի կողմից շահարկվող ռազմական լուծման տարբերակը չի կարող լինել գործող տարբերակ, այլ կարող է ավելի խորացնել ճգնաժամը՝ անվտանգության և խաղաղ կարգավորման առումով:
Արտակ Զաքարյանը նաև նշեց, որ անհիմն են այն կասկածները, թե Հայաստանի վրա կա պարտադրանք հինգ շրջաններ Ադրբեջանին հանձնելու համար:
Մանրամասները՝ տեսանյութում: