ՀՀ կրթության և գիտության նախարար Լևոն Խաչատրյանը շրջաբերական նամակով դիմել է մարզպետերին և Երևանի քաղաքապետին՝ առաջարկելով ուսումնական տարվան ընդառաջ քայլեր ձեռնարկել՝ հանրային դժգոհություն հարուցող երևույթները դպրոցներում բացառելու ուղղությամբ: Ի՞նչ խնդիրներ կան դպրոցներում, ինչի՞ն պետք է ուշադրություն դարձնել: Մեր այս հարցերին պատասխանում է ԵՊՀ փիլիսոփայության պատմության ամբիոնի դասախոս Սերոբ Խաչատրյանը:
Ըստ նրա՝ նման շրջաբերականներով խնդիրը չի լուծվում: «Անցած ուսումնական տարի էլ մի քանի շրջաբերական եղավ, և ես շատ կուզենայի, որ ուսումնական տարվա ավարտից հետո նախարարությունը հաշվետվություն տար, թե ի վերջո ինչ եղավ այդ շրջաբերականների արդյունքում: Քանի որ եթե անընդհատ նույն բանը ասում ենք, նշանակում է՝ ոչինչ չենք անում իրավիճակը շտկելու համար»,- նշեց նա: