Վերջին շաբաթներին, ըստ էության, Հալեպը հիմնական բախումների թատերաբեմ է. Սիրիայում վերջին շրջանի իրադարձությունների շուրջ «Առաջին լրատվական»-ը զրուցեց արաբագետ Հայկ Քոչարյանի հետ:
«Նախորդող գործընթացները՝ ուժերի կենտրոնացում, կառավարական ուժերի առաջխաղացում և այլն, ուղղված էին նրան, որ առաջիկա թեժացման կենտրոնը լինելու է Հալեպը: Սա ներսիրիական հակամարտություն է՝ կապված Ասադին աջակցող և նրան ընդդիմադիր բազմազան ուժերի հետ, այդ ուժերը բազմազան են՝ ահաբեկչական համարվող ուժեր, չափավորներ և այլն»,- նշեց Հ. Քոչարյանը:
Հ. Քոչարյանի հավաստմամբ՝ վերջին շրջանում ասադյան ուժերը՝ իրանական և ռուսական ուժերի աջակցությամբ բավականին լուրջ առաջխաղացում էին ունեցել և կարողացել էին գերակա դիրքեր վերցնել: Սակայն ընդդիմադիր ուժերը մոբիլիզացվել և կարողացել են հետ մղել նրանց: Այս փուլում այն մեթոդները, որ կիրառվում են, վկայում են այն մասին, որ լայանամասշտաբ պատերազմի հետ գործ ունենք, ոչ թե լոկալ հակամարտությունների:
Անդրադառնալով դիտարկմանը, որ Հալեպում շարունակում են ապրել 8-ից 10 հազար հայեր, Հ. Քոչարյանը նշեց, որ փոքրամասնություններն ամենավտանգված հատվածն են ցանկացած ճգնաժամի դեպքում, և առաջին թիրախն են լինելու. «Հայ համայնքը, որ մնացել է այնտեղ, գիտակցում է այդ ամենը: Մնացել են այն մարդիկ, որոնք հասկանում են՝ ինչի համար են մնացել և ինչ խնդիր են ուզում լուծել. դա իրենց տունն է, որի համար ուզում են պայքարել»:
Մանրամասները՝ տեսանյութում: