Ապրիլյան պատերազմից հետո շատ բուռն էր արձագանքը առաջնագծում առկա բացթողումների վերաբերյալ: Օրերս ԼՂՀ իշխանությունների նախաձեռնությամբ մի խումբ հայաստանցի գործիչներ և մտավորականներ հնարավորություն ունեցան այցելելու արցախյան առաջանգիծ՝ դիտարկելու, թե ինչ նոր իրավիճակ է ստեղծվել:
«Սա ավելի շուտ հաշվետու հրավեր էր, քանի որ հենց պատերազմի օրերին Արցախի կառավարության հրապարակած հաշվեհամարին հավաքվել էր մոտավորապես 5 միլիարդ դրամի չափով գումար, և ուզում էին ցույց տալ, թե այդ գումարներնով ինչ է ձեռք բերվել,- «Առաջին լրատվական»- ի հետ զրույցում այս մասին ասաց մեդիա փոձագետ Սամվել Մարտիրոսյանը, ով նույնպես Արցախ էր այցելել:
Նա նշեց, որ ավելի շատ հետաքրքրում էր այն, թե որքանով է ամրապնդվել անվտանգությունն առաջանագծում. «Հարկ է նշել, որ մի շարք փոփոխություններ ապրիլյան պատերազմից էլ շուտ էին սկսվել, օրինակ՝ տեսախցիկների տեղադրումը. առաջինը մենք՝ ինքներս տեսանք գիշերային հարձակման նկարահանումը, որը համացանցում հայտնվեց, որը նկարվել էր Թալիշի դիրքերում, երկրորդը՝ ցերեկային տեսախցիկների տեղադրումը, որոնք մինչև 20կմ կարողանում են ֆիքսել, և Աղդամի հարձակումը ձախողվել է նաև շնորհիվ նրա, որ տեսախցիկը ֆիքսել է հակառակորդի շարասյուների շարժը թիկունքում,- նշեց Ս. Մարտիրոսյանը՝ հավելելով, որ այն ժամանակ փոփոխությունները դանդաղ էին իրականացվում, այս պատերազմը ստիպեց, որ այդ ամենն արագացվի:
Ս. Մարտիրոսյանի հավաստմամբ՝ բանակը ներգրավել է նաև քաղաքացիների, ահռելի քանակի շինարարական տեխնիկա է աշխատում սահմանում, նոր ճանապարհներ են կառուցվում՝ թմբերով պաշտպանված, որպեսզի մատակարարումներն ապահով իրականացվեն, ամրացվում են դիրքերը:
«Մեր դեմ արդեն կիրառվում են բարձր տեխնոլոգիաներ, և մենք հետ մնալու իավունք չունենք»,- ընդգծեց Սամվել Մարտիրոսյանը և հավաստիացրեց, որ Արցախում արդեն սպառազինությունների արտադրության համար աշխատանքներ են տարվում:
Մանրամասները՝ տեսանյութում: