Հուլիսի 17-ից հետո արդյո՞ք Հայաստանում նոր իրավիճակ է ստեղծվել, և քաղաքացիների մեծ մասի մոտ, որ ընտրական գործընթացների նկատմամբ չուներ վստահություն, արդյո՞ք պայքարի մեթոդների փոփոխություն է տեղի ունենում. անդրադառնալով այս հարցերին՝ «Կարին» ազգագրական երգի ու պարի համույթի ղեկավար Գագիկ Գինոսյանը նշեց. «Եթե այս դեպքերից հետո մտածեք՝ տղեքն արեցին, մենք գնանք հանգիստ քնենք, ընտրությունները լավ են անցկացվելու, ապա ընտրությունները նույն կերպ կանցկացվեն, ոչինչ չի փոխվի: Ամեն օր պետք է կռվել ազատության համար՝ պարտադիր չէ զենքով, բռունցքներով, պարտադիր է նախևառաջ գաղափարով և ոգով պայքարել և ամեն օր ելնել հանուն նրա, որ կարողանաս կայացնել քո հայրենիքի ազատությունն ու անկախությունը»:
Գ. Գինոսյանի դիտարկմամբ՝ հուլիսյան իրադարձություններն ազդակ էին, որ գիտակցենք՝ սրանից հետո անդադրում աշխատանք պետք է իրականացնենք. «Ամեն օր քնելուց առաջ, ինչպես Անդրանիկը կասեր՝ «երբ գլուխներդ բարձին կդնեք, որ քնանաք, հինգ րոպե մտածեք ձեր ազգի մասին»: Եթե ամեն օր մենք մեր նվիրումն ու զոհաբերությունն ենք անում, որպեսզի վաղվա Հայաստանն այսօրվա Հայաստանից ավելի լավը լինի, ուրեն մենք կունենանք մեր ապագան»:
Մանրամասները՝ տեսանյութում: