Գյումրիում ոչ պաշտոնապես ընտրապայքարի մեկնարկը տրված է: «Առաջին լրատվական»- ի հետ զրույցում քաղքագետ Գագիկ Համբարյանը նշեց, որ Գյումրիում շրջանառվում են լուրեր, որ արդեն հինգ թեկնածու կա և ՀՀԿ-ն ցանկանում է սատարել երկու թեկանածուների՝ գործող քաղաքապետ անկուսակցական Սամվել Բալասանյանին և մարզպետարանի կրթության վարչության պետ Սահակ Մինասյանին:
«Սակայն նոր թեկնածուն այդքան էլ ձեռնտու չէ ՀՀԿ-ի համար, որովհետև նա բավականին թույլ դիրքեր ունի, իսկ Գյումրիում ՀՀԿ-ն վերջին ընտրություններում պարտվել է,- նշեց քաղքագետը: – Շիրակի մարզում ՀՀԿ-ն հաղթանակներ է տանում հիմնականում գյուղերում, որովհետև գյուղապետերի մեծ մասը ՀՀԿ-ականներ են և վերևից համապատասխան ձայներ ապահովելու ցուցումներ են ստանում: Հենց սրանով է պայմանավորված, որ Սամվել Բալասանյանի վերջին 4 տարվա գործունեույթունը հաշվի առնելով՝ որոշում է կայացվել, որ նա պետք է դառնա ՀՀԿ կուսակցության թեկնածուների ցուցակի առաջատարը»:
Գյումրու քաղաքապետի թեկնածուներից է ՀՅԴ անդամ, բժիշկ Աշոտ Կուրղինյանը: Մի՞թե Գյումրին այնքնան «հիվանդ» է, որ նրան բժիշկ քաղաքապետ է պետք, չէ՞ որ այդ թեկնածուն քաղաքականապես թրծված չէ. անդրադառնալով այս հարցին՝ քաղաքագետ Գ. Համբարյանը նշեց. «Գյումրին 88թ-ից հետո հիվանդ է և այդ հիվանդությունը կրում է քրոնիկ բնույթ: Ինչ վերաբերում է բժիշկ թեկնածուին, ապա ՀՅԴ-ն ամենաթույլ դիրքերն ունի Շիրակի մարզում, առավել ևս Գյումրիում:
Գ. Համբարյանի դիտարկմամբ՝ ՀՅԴ թեկնածու Ա. Կյուրեղյանի առաջադրումը խաղ չէ. «Նրանք ունեն դաշնակցական մարզպետ և փորձեր են կատարում նրա ադմինիստրատիվ ռեսուրսներն օգտագործելով՝ ներթափանցել քաղաքի օրենսդիր մարմին՝ հետագայում բազա ստեղծելով ԱԺ ընտրություններին ձայներ հավաքելու համար»: Քաղաքագետը թերահավատորեն է վերաբերվում ՀՅԴ-ի դիրքերի ամրապնդմանը Շիրակի մարզում: Նրա դիտարկմամբ՝ բոլոր կուսակցություններն ունեն մեկ կարևորագույն խնդիր՝ դա կադրային քաղցն է, որը հնարավոր չէ համալրել իրենց մեթոդներով:
«ԳԱԼԱ» կուսակցության վերաբերյալ Գ. Համբարյանը նշեց, որ հիմնականում լրագրողներ են, երիտասարդ աղջիկներ, հայտնի չէ, թե ում են առաջին հորիզոնականում ներկայացնելու, բայց փաստ է, որ «ԳԱԼԱ»-ն ունի իր ոչ փոքր ընտրազանգվածը Գյումրիում:
Քաղքագետի գնահատմամբ՝ Գյումրիում կանխատեսելի ընտրություններ էին սպասվում, բայց բոլորի խաղաքարտերը խառնեց ԲՀԿ թեկնածու Վարդևան Գրիգորյանը. «Նա ունի հնարավորություններ՝ թե՛ նյութական, թե՛ մտավոր, որպեսզի մասնակցի քաղաքական ընտրապայքարի: Վ. Գրիգորյանը կտանի այն ձայները, որոնք գնալու էին Բալասանյանին, ընդդիմադիր ուժերից քիչ ձայներ կտանի»:
«Մենք թևակոխում ենք խորհրդարանական հանրապետություն, իսկ դա նշանակում է, որ կուսակցաշինարարությունը և խորհրդարանի կայացումը Հայաստանում պետք է լիակատար լիներ: Մեզ մոտ կուսակցաշինությունն ավարտված չէ, մարդ-կուսակցություններ են, հենց որ լիդերը դուրս է գալիս կուսակցությունը կազմաքանդվում է:
ՏԻՄ ընտրությունները բոլոր քաղաքական ուժերի համար տնային աշխատանք են մինչև համապետական՝ խորհրդարանական ընտրությունները:
Հասարակությունը պետք է փոխվի, պետք է հասկանա, որ եթե ընտրությունների ժամանակ գումար է վերցնում, ինքը վաճառվում է և ոչնչով չի տարբերվում անբարոյականից»,- եզրափակեց մեր զրուցակիցը:
Մանրամասները՝ տեսանյութում:
