«Սասնա ծռերի» աջակցության հավաքը այսօր՝ օգոստոսի 19-ին, Ազատության հրապարակում մեկնարկեց ՊՊԾ գունդը գրաված խմբին նվիրված երգի կատարմամբ։
Ազատության հրապարակում է նաև նախօրեին կալանքից ազատված, «Ժառանգություն» կուսակցության փոխնախագահ Արմեն Մարտիրոսյանը։ Ելույթ ունենալով՝ նա ընդգծեց, որ իր նպատակաները մնում են նույնը, որևէ բան չի փոխվել:
«Մենք իրավունք չունենք նահանջելու, նահանջել նշանակում է արտագաղթի մեծ ալիք թույլ տալ, նահանջել նշանակում է կոռումպացված, կոռուպցիայի մեջ թաթախված այս համակարգը թողնել, որ ինքնաոչնչանա՝ պետութունը ոչնչացման ճանապարհ տանելով, նահանջել նշանակում է արդարադատությունը Հայաստանում ոչ միայն իսպառ վերացնել, այլ երբևէ հույս չունենալ, որ կարող է ծիլ տալ արդարության համակարգը:
Նահանջել նշանակում է «Սասնա ծռեր»- ին թողնել այս վարչախմբի հետ մեն-մենակ, ինչը վտանգավոր է ոչ թե «Սասնա ծռեր»-ի համար, այլ վտանգավոր է մեզ համար:
Մենք բոլորս պետք է իմանանք, որ եթե մենք թողնում ենք այս համակարգն այսպես շարունակվի, ոչ միայն «Սասնա ծռեր»- ին ենք անազատության մեջ թողնում, այլ մենք բոլորս ենք անազատության մեջ անընդհատ գտնվելու»,- ընդգծեց Ա. Մարտիրոսյանը:
Մանրամասները՝ տեսանյութում: