«Սասնա ծռեր» խմբավորման անդամ Վարդան Գերավետյանի գործով բողոքները Վերաքննիչ դատարանը մերժեց: Փաստաբան Դավիթ Գյուրջյանը լրագրողների հետ զրույցում նշեց. «Իմ և Ռուզաննա Սիրեկանյանի բերած բողոքները մեզ համար ոչ անսպասելիորեն մերժվեցին: Վերաքննիչ բողոքները մերժվեցին: Դատարանում բարձրաձայնեցինք այն հարցերը, որոնք առաջին ատյանի դատարանում էինք բարձրաձայնել․քննիչը, բնականաբար, հրաժարվեց պատասխանել, որովհետև պատասխաններ չէր գտնում»:
«Ցանկանում էինք, որ բերեին այն հիմնավորումները, որոնք հիմք են պնդելու համար, որ կա կասկած նրա ապօրինի վարքագծի կապակցությամբ, որը կանխելու համար պետք է կիրառվի կալանքը որպես խափանման միջոց: Ցանկանում էինք, որ բերեին այն փաստարկները, որոնք անթույլատրելի են դարձնում կալանքի դիմաց գրավի կիրառումը»,- նշեց փաստաբանը և հավելեց, որ Վերաքննիչ դատարանից իրենք պահանջում են, որ Վարդան Գերավետյանի կալանքը որպես խափանման միջոց վերացնեն և բողոքարկելու են վերաքննիչ ատյանի որոշումը:
Մանրամասները՝ տեսանյութում: