«Շատ անհեթեթ են զանգվածային անկարգություն կազմակերպելու մեղադրանքով ձերբակալությունները, քանի որ ակնառու է, որ զանգվածային անկարգությւնները կազմակերպել և կատարել է ոստիկանությունը ոչ թե քաղաքացիները,- «Առաջին լրատվական»- ի հետ զրույցում հուլիսյան դեպքերից մեկ ամիս անց անդրադարձ կատարելով տեղի ունեցածին՝ ասաց իրավապաշտպան Ժաննա Ալեքսանյանը:
«Իրազեկ քաղաքացիներ»-ի միավորում ՀԿ նախագահ Դանիել Իոնիսյանի հավաստմամբ՝ այդ օրերին բերման են ենթարկվել ավելի քան 775 մարդ, և հայտնի են դեպքեր, որ մարդիկ բերման են ենթարկվել, բայց ոստիկանության տրամադրած վիճակագրության մեջ նրանց մասին տեղեկությունները չեն ներառվել, օրինակ՝ Վանաձորում հուլիսի 17-ին երկու հոգու բերման են ենթարկել, բայց ոստիկանության տրամադրած տեղեկատվության համաձայն՝ այդ օրը նրանք Վանաձորում ոչ մեկին բերման չեն ենթարկել:
Դանիել Իոնիսյանի կարծիքով՝ բերման ենթարկելը մեղմ է ասված, քանի որ քաղաքացիները կարելի է ասել առևանգվել են, նրանց պահել են որտեղ ասես, քաղաքացիները ծեծի են ենթարկվել և ստացել մարմնական վնասվածքներ:
«Եթե Հայաստանը իրավական պետություն լիներ, առաջին հերթին քրեական պատասխանատվության պետք է ենթարկվեր այն ոստիկանը, ում պատճառով 18 ոստիկան թունավորվել էին արցունքաբեր գազից: Եթե իրավական երկիր լիներ, այդ 18 ոստիկանները դատի կտային իրենց հրամանատարին, որի հրամանով վազել էին, գնացել էին արցունքաբեր գազով լցված տարածք:
Ժաննա Ալեքսանյանը, անդրադառնալով ոստիկանների պաշտոնանկություններին, կարգապահական տույժերին և այլ պատիժների ենթարկվելուն, նշեց, որ դրանք ոչ մի նշանակություն չեն կարող ունենալ. «Ով կազմակերպել և իրականացրել է այդ ամբողջը, նա է ցուցակ կազմել և որոշել՝ ում պետք է պատժել, ում ոչ, այնինչ հենց իրենից՝ ոստիկանապետից պետք էր սկսել պատիժը: Այդ ձերբակալությունները ծիծաղելի են»:
Մանրամասները՝ տեսանյութում: