Ղարաբաղյան հիմնախնդրի կարգավորման ռուսական ծրագիր կամ, այսպես ասած, «Լավրովի պլան» գոյություն չունի և չի լինելու՝ համոզված է քաղաքագետ Սերգեյ Մարկեդոնովը:
Ռուսաստանի հումանիտար գիտությունների ինստիտուտի պրոֆեսորը այսպիսի մեկնաբանություն տվեց «Առաջին լրատվական»-ին՝ անդրադառնալով Ռուսաստանի նախագահ Վլադիմիր Պուտինի առաջիկա այցին Բաքու, որտեղ նա հանդիպելու է Ադրբեջանի և Իրանի նախագահների հետ:
«Ոչ մի «Լավրովի պլան» չկա և չի լինելու, այդ միֆը շատ վնասակար է: Մոսկվան չի պատրաստվում արագացնել Ղարաբաղյան կարգավորումը, քանի որ ո՛չ իմաստ է տեսնում դրանում, ո՛չ էլ օգուտ: Մոսկվայի նպատակն է կանխել նոր ապրիլյան պատերազմը, թույլ չտալ, որպեսզի հակամարտությունը բարձրանա առճակատման նոր մակարդակի, բայց նա չի կարող լուծել հիմնախնդիրը այն պայմաններում, երբ իրենք՝ հակամարտող կողմերը, հեռու են փոխզիջումների հասնելուց՝ ինչպես երբեք»,- ասաց Սերգեյ Մարկեդոնովը: