Հայ հասարակությունում բողոքական տրամադրությունները չեն վերանա ապստամբների ձերբակալությունից հետո։ Այս մասին Kommersant-ի հետ զրույցում ասել է Միջազգային հարցերով ռուսական խորհրդի փորձագետ Սերգեյ Մարկեդոնովը։
«Պետք չէ մտածել, որ իրավիճակը Հայաստանում կհանգեցնի «Սասնա ծռերի» և իշխանության դիմակայությանը։ Երկրում զինված ընդդիմությունը կազմված է փոքր խմբերից, որոնք մեծ աջակցություն չեն վայելում բնակչության կողմից։ Որոշ հայերի մոտ նրանք համակրանք են առաջացնում ոչ թե իրենց գործողություններով, այլ միայն ներկայիս իշխանություններին չընդունելով»,- ասել է Մարկեդոնովը։
Փորձագետի կարծիքով՝ մայրաքաղաքում հուլիսի 18-ից շարունակվող հանրահավաքները որոշ ժամանակով, այնուամենայնիվ, կարող են հանդարտվել՝ վառ և խարիզմատիկ առաջնորդի բացակայության պատճառով։