Պարեկապահակային ծառայության գնդում հնարավոր չէ վիրահատություններ կազմակերպել: Հուլիսի 30-ին լրագրողների հետ ճեպազրույցում վստահեցրեց ՀՀ առողջապահության նախարարության գլխավոր վնասվածքաբան, օրթոպեդ Վաչագան Այվազյանը:
«Ես 40 տարի է` վիրաբույժ եմ, բավականին երկար ճանապարհ եմ անցել` երկրաշարժ, պատերազմ: Ամբողջ աշխարհում ընդունված է վիրավորներին փուլային բուժում տալը, որը սկսում է առաջին օգնությունից: Շտապօգնության տղաներն արդեն ցուցաբերել են առաջին օգնությունը»,- «Արմենպրես»-ի հաղորդմամբ` ասել է վնասվածքաբանը` հավելելով, որ եթե պետք է վիրահատություններ կազմակերպել` դա անհնար է իրականացնել կենցաղային պայմաններում:
«Միայն վիրահատության սեղանը 2 տոննա է»,- ավելացրեց նա:
Լուսանկարը` Med-Practic.com-ի
